මලයාලි මන්ත්‍ර ශාස්ත්‍රය.

මලයාලි මන්ත්‍ර ශාස්ත්‍රය.
මලයාලි මන්ත්‍ර ශාස්ත්‍රය ලෝකයේ ප්‍රබලම මන්ත්‍ර ශාස්ත්‍රයයි . මලයාලි මන්ත්‍ර ශාස්ත්‍රයේ වැදගත්ම අංගය වන්නේ සිද්ධි ලබාගැනීමයි . කාලි ,ගණපති ,මාඩ ශාමි ,භගවතී ආදී සිද්ධි ලබාගැනීමෙන් තොරව මලයාලි ගුරුකම් කල නොහැක .මලයාලි මන්ත්‍ර ශාස්ත්‍රය සම්බන්ධයෙන් මා ජ්‍යොතිෂ පුවත්පතකට ලිපි මාලාවක් ලියු අතර ඊට මහත් ජනතා ප්‍රතිචාර ලැබුණි .එම ලිපි මාලාව තුලින් මා හෙළි කළේ මාගේ මුත්තා විසින් කරන ලද විස්මිත ගුරුකම් ගැනය . මාගේ මුත්තා මලයාලි මන්තර ශාස්ත්‍රය ඉගෙනගෙන ඇත්තේ "වේණු ශාමි" නම් කේරළ මන්ත්‍රාචාර්යවරයෙක් ගෙනි . අද බොහෝ දෙනෙක් "මලයාලි ගුරුකම්" කරන බව පැවසුවද ඔවුන් මලයාලි මන්ත්‍ර ශාස්ත්‍රයේ මුලික අංග වත් නොදනී. වරු තුනෙන්, දින තුනෙන් වශී ගුරුකම් කරන බව පවසමින් පුවත්පත් වල පලකරන දැන්වීම් ප්‍රමාණය සුළුපටු නොවේ. කෙනෙක් වෙත කෙනෙක්ගේ සිත ගිය පමණින් වශිකරගැනීමට හැකිනම් ලෝකයේ ඕනෑම කෙනෙක්ව ඕනෑම කෙනෙකුට වශී කරගැනීමට හැකිය. මලයාලි මන්ත්‍ර ශාස්ත්‍රය තුළ වශී ගුරුකම් සම්බන්ධයෙන් අනුගමනය කළ යුතු විශේෂ විධි,ක්‍රම පවතී. මලයාලි මන්ත්‍ර ශාස්ත්‍රය ගැන සියලු විස්තර ,තොරතුරු නිවැරදිව හෙළිකර දෙමින්, පුර්ණ අවබෝධයක් ඔබට ලබාදීමට මම අදහස් කළෙමි. මෙතැන් පටන් පලවන සියලු විස්තර කියවා දැනුම අවබෝධය ලබාගන්නා ලෙසත් , ව්‍යාජ මන්ත්‍ර කරුවන්ට නොරැවටී සිටින ලෙසත් ඉල්ලා සිටිමි.

Wednesday, December 23, 2015

මාළු බාමින් සිටි තරුණයෙකු 
සැතපුම් ගණනක් දුරට අරගෙන ගිය භූතයෙක්.

      භූතයෝ කියන්නේ තුන්මංසලේ, නාන තොටේ, සොහොන් බිමේ ඉන්නා පිරිසක් කියලා අදත් සමහරු හිතාගෙන ඉන්නවා.ගණන් කරන්න බැරි තරම් භූතයෝ නොයෙක් තැන් තමන් ගේ වාසභූමි කරගෙන ජීවත්වෙනවා. නිවෙස්, පූජා භූමි, ඉඩම්,අපිරිසිදු ස්ථාන, යුද්ධ භූමි, ඇළ දොළ ගංගා ආශ්‍රිත ස්ථාන විතරක් නෙමෙයි මනුෂ්‍ය ශරිරත් ඇසුරු කරගෙන ජීවත්වෙන අමනුෂ්‍යයින් ඉන්නවා.
     ගම්පහ දිස්ත්‍රික්කයේ එක්තරා ගමක තරුණයෙක් මාළු බාන්න පුරුදුවෙලා හිටියා. මේ තරුණයා දවසක් හවස් වරුවේ ඇළ අයිනට වෙලා සුපුරුදු විදියට මාළු බාන්න පටන් ගත්තා. හැමදාම අඳුර වැටෙන්න කලින් ගෙදරට එන තරුණයා එදා රෑ හත පහුවෙලත් ගෙදර ආවේ නෑ. ගෙදර අයයි ගමේ අයයි කලබල වෙලා හොයලා බැලුවා. කොහොම හරි තරුණයා ඉන්න ඉසව්වක් ගැන ලැබුණු ආරංචියක් අනුව ගිය පිරිසට තරුණයාව හම්බ වුණා . හැබැයි තරුණයා හිටියේ සැතපුම් තුනකට විතර දුර ප්‍රදේශයක යි. ගෙදරට අඳින කොට කලිසමත් ඇඳගෙන මෙච්චර දුරක් ආවේ මොකද කියලා පිරිස තරුණයාගෙන් ඇහුවා. ආවේ කොහොමද කියලාවත් මතකයක් තරුණයා ට තිබුණේ නෑ . කොහොම වුණත් එදායින් පස්සේ තරුණයාගේ මාළු බෑමේ පුරුද්ද නම් නතර වුණා. හැබැයි මේ සිදුවීම ගැන තරුණයා අදටත් ඉන්නේ පුදුමයෙන්.
      සත්ව විෂය කියන්නේ හිතන්න, මනින්න, ගණින්න පුළුවන් දෙයක් නෙමෙයි. බුදුරජාණන් වහන්සේ දවසක් පොළවෙන් පස් ස්වල්පයක් අරගෙන නිය මතුපිට තියාගෙන භික්ෂුන් වහන්සේලාගෙන් අහනවා " මහණෙනි, තථාගතයන් වහන්සේගේ නිය මත තිබෙන පස් ප්‍රමාණයද විශාල මහා පොළවේ තිබෙන පස් ප්‍රමාණයද විශාල? " කියලා. භික්ෂුන් වහන්සේලා පිළිතුරු දෙනවා " ස්වාමිනි භාග්‍යවතුන් වහන්ස, භාග්‍යවතුන් වහන්සේගේ නිය මත තිබෙන පස් ස්වල්පයයි, මහපොළවෙ තිබෙන පස් ප්‍රමාණය විශාලයි " කියලා.
    බුදුරජාණන් වහන්සේ වදාලා " මහණෙනි, මනුෂ්‍ය ලෝකයේ ජීවත් වන අය අතරින් මරණයට පත්වූවාට පසුව නැවත මනුෂ්‍ය උපතක් ලබන්නෙ තථාගතයන් වහන්සේගේ නිය මත තිබෙන පස් ප්‍රමාණය තරමේ සුළු පිරිසක්. මහපොළවේ තිබෙන පස් ප්‍රමාණය තරමට විශාල පිරිසක් මරණින් පසුව නිරයේ උපදිනවා,ප්‍රේත ලෝක වල උපදිනවා,තිරිසන් ලෝකයේ උපදිනවා. " කියලා.
        එහෙම නම් ප්‍රේතයින් භූතයින් මෙතෙකැයි කියලා ගණන් කරන්න පුළුවන්ද ?  භූත ලෝකයෙත් මනුෂ්‍ය ලෝකයේ වගේම නොයෙක් හැකියාවන්ගෙන් යුක්ත අය ඉන්නවා. සියලු අමනුෂ්‍යයින් සතරවරම් දෙවියන්ගේ අණසක යටතේ පාලනය වූවත්, ඇතැම් අමනුෂ්‍යයෝ සතරවරම් දෙවියන්ගේ අණසකට පිටින් ක්‍රියාත්මක වෙනවා. මනුෂ්‍ය ලෝකයේ නායකයින්ගේ වචනයට, නීතියට පිටින් කටයුතු කරන අය වගේම තමයි. මනුෂ්‍ය ලෝකයේ වගේම හිතුවක්කාරයෝ අමනුෂ්‍ය ලෝකයෙත් ඉන්නවා. මනුෂ්‍ය ලෝකයේ වගේම හොඳ, නරක දෙගොල්ලොම අමනුෂ්‍ය ලෝකයේ ඉන්නවා.
   සමහර අමනුෂ්‍යයෝ මනුෂ්‍යයාට හිරිහැර කරමින් යන යන තැනට යනවා.සමහර අමනුෂ්‍යයෝ මිනිසුන්ගේ ශරීර තුළට ඇතුළු වෙලා ඒ අය යන යන තැන් වල යනවා. සමහර අමනුෂ්‍යයෝ මනුෂ්‍යයින්ගේ පිටුපසින් යනව. සමහරු හිටගෙන ඉන්නකොට අමනුෂ්‍යයෝත් ඒ අයත් එක්ක හිටගෙන ඉන්නවා. සමහරු නිදාගන්න කොට අමනුෂ්‍යයෝත් ඒ අයත් එක්ක නිදාගන්නවා. මේ බව ආටානාටිය සුත්‍රයේ පැහැදිලිව සඳහන් වෙනවා. 
      ගී ගැයීමේ හැකියාව උපතින්ම දායාද කොට ගත් තරුණියක් කාලයක් තිස්සේ අමනුෂ්‍ය පීඩාවකින් දුක්වින්දා. ගී ගැයීමේ හැකියාව උසස්ම මට්ටමක තිබුණත් එයින් කිසිම ප්‍රයෝජනයක් ලබාගන්න බැරිවුණා. නොයෙක් තරඟ වලට සහභාගී වුණත් ඒවායින් ජය ගන්න බැරි වුණා. තරඟයට සහභාගී වන අවස්ථා වලදී උගුර හිරවන ගතියක් දැනෙන්න  වුණා. කටහඬ වෙනස් වෙන්න ගත්තා. තරඟයකට සහභාගී වුණු හැම 
අවස්ථාවකදීම ගෙදර ආවේ දුකෙන්. දවසක් මේ තරුණියගේ යෙහෙළියක් කිව්වා " ඔයා දිනපතා පිරිත් කියන්න...ඔයාට තියෙන්නේ අමනුෂ්‍ය බලපෑමක්ද දන්නෙ නෑනේ..." කියලා. යෙහෙළියගේ අදහස ගැන ඒ තරම් විශ්වාසයක් ඇති නොවුණත් දවසක් මේ තරුණිය ගෙදර තිබුණු පිරිත් පොත අරගෙන රතන සුත්‍රය කියෙව්වා. පිරිත් කියලා නින්දට ගිය තරුණිය තමන්ගේ මියගිය ලොකු අම්මාව හීනෙන් දැක්කා.
    " මම උඹව මරණවා. උඹ හිතාගෙන ඉන්න දේවල් කරන්න මම උඹට ඉඩ දෙන්නෙ නෑ....." කියලා ලොකු අම්මා ඝෝරනාඩු කළා. කෑ ගහගෙන අවදි වුණු තරුණිය හීනෙන් දැක්ක දේ ගෙදර අයට කිව්වා. කාරණය දැනගත්තු ගෙදර අය මන්ත්‍රාචාර්යවරයෙක් මුණගැහිලා දෝෂය සහමුලින්ම දුරු කර ගත්තා. මේ තරුණියට බාධක අවහිර එල්ල කරළා තිබුණේ තම මවගේ මියගිය වැඩිමල් සහෝදරියයි. ලොකු අම්මා ජීවත්වෙලා ඉන්න කාලෙදිත් මේ තරුණිය සමග ගොඩක් ඊර්ශ්‍යාවෙන් තමයි ඉඳල තියෙන්නේ. ලොකු අම්මගේ දියණියත් මේ තරුණියගේ වයසෙමයි. හැම දේටම දෙන්නා අතරේ ලොකු තරඟයක් තිබුණා. අධ්‍යාපනයෙන් වගේම කලා කටයුතු වලිනුත් ඉදිරියෙන් හිටියේ මේ තරුණියයි. මේ ගැන ලොකු අම්මාගේ දියණිය තුළ කිසිම තරහක් ඊර්ශ්‍යාවක් නොතිබුණත්  ලොකු අම්මා නම් හිටියේ ගොඩක් තරහෙන්. මෙහෙම කාලයක් ගතවෙනකොට උසස් පෙළ විභාගය අත ළඟ තියෙද්දි ලොකු අම්මාගේ දුව තරුණයෙක් සමග පැනල ගියා. ලොකු අම්මා අංශභාගය හැදිලා ඔත්පල වෙලා දින කීපයකින් මියගියා.මේ විදියට මියගිය ලොකු අම්මා තමයි මේ දියණියගේ සාර්ථකත්වයට හරස් කැපුවේ.ලොකු අම්මාගේ බලපෑම ඉවත් කළාට පස්සේ තරුණියගේ කලා කටයුතු සාර්ථක වුණා. මේ වෙනකොට මේ තරුණිය බොහෝ දෙනෙක් දන්නා  කලාකාරියක්. 
    සමහර අමනුෂ්‍යයින්ගේ බලපෑම ලොකුවට නොපෙනුණාට සිද්ධවෙන හානිය විශාලයි. සමහරු නොයෙක් අසනීප, දුර්වලතා, අබාධ වලින් පීඩා විඳිනවා. අවුරුදු ගණනක් තිස්සේ ප්‍රතිකාර ගත්තත් සුවයක් නොලබන අය ඉන්නවා. තවත් අය තමන්ගේ හැකියාව ට දක්ෂතාවය ට සරිලන රැකියාවක් හෙව්වට හම්බවෙන්නෙ නෑ. යන තැන් වලින් කිසිම පිළිගැනීමක් නෑ. තමන්ගේ දක්ෂතාවය වටිනාකම පේන්නෙ නෑ. මේ වගේ දේවල් අමනුෂ්‍ය බලපෑම් හේතුවෙනුත් සිද්ද  වෙනවා.

No comments:

Post a Comment