මලයාලි මන්ත්‍ර ශාස්ත්‍රය.

මලයාලි මන්ත්‍ර ශාස්ත්‍රය.
මලයාලි මන්ත්‍ර ශාස්ත්‍රය ලෝකයේ ප්‍රබලම මන්ත්‍ර ශාස්ත්‍රයයි . මලයාලි මන්ත්‍ර ශාස්ත්‍රයේ වැදගත්ම අංගය වන්නේ සිද්ධි ලබාගැනීමයි . කාලි ,ගණපති ,මාඩ ශාමි ,භගවතී ආදී සිද්ධි ලබාගැනීමෙන් තොරව මලයාලි ගුරුකම් කල නොහැක .මලයාලි මන්ත්‍ර ශාස්ත්‍රය සම්බන්ධයෙන් මා ජ්‍යොතිෂ පුවත්පතකට ලිපි මාලාවක් ලියු අතර ඊට මහත් ජනතා ප්‍රතිචාර ලැබුණි .එම ලිපි මාලාව තුලින් මා හෙළි කළේ මාගේ මුත්තා විසින් කරන ලද විස්මිත ගුරුකම් ගැනය . මාගේ මුත්තා මලයාලි මන්තර ශාස්ත්‍රය ඉගෙනගෙන ඇත්තේ "වේණු ශාමි" නම් කේරළ මන්ත්‍රාචාර්යවරයෙක් ගෙනි . අද බොහෝ දෙනෙක් "මලයාලි ගුරුකම්" කරන බව පැවසුවද ඔවුන් මලයාලි මන්ත්‍ර ශාස්ත්‍රයේ මුලික අංග වත් නොදනී. වරු තුනෙන්, දින තුනෙන් වශී ගුරුකම් කරන බව පවසමින් පුවත්පත් වල පලකරන දැන්වීම් ප්‍රමාණය සුළුපටු නොවේ. කෙනෙක් වෙත කෙනෙක්ගේ සිත ගිය පමණින් වශිකරගැනීමට හැකිනම් ලෝකයේ ඕනෑම කෙනෙක්ව ඕනෑම කෙනෙකුට වශී කරගැනීමට හැකිය. මලයාලි මන්ත්‍ර ශාස්ත්‍රය තුළ වශී ගුරුකම් සම්බන්ධයෙන් අනුගමනය කළ යුතු විශේෂ විධි,ක්‍රම පවතී. මලයාලි මන්ත්‍ර ශාස්ත්‍රය ගැන සියලු විස්තර ,තොරතුරු නිවැරදිව හෙළිකර දෙමින්, පුර්ණ අවබෝධයක් ඔබට ලබාදීමට මම අදහස් කළෙමි. මෙතැන් පටන් පලවන සියලු විස්තර කියවා දැනුම අවබෝධය ලබාගන්නා ලෙසත් , ව්‍යාජ මන්ත්‍ර කරුවන්ට නොරැවටී සිටින ලෙසත් ඉල්ලා සිටිමි.

Friday, January 8, 2016

(අමනුෂ්‍ය බලපෑම් හා මලයාලි මන්ත්‍ර ගුරුකම් - 05)

වාහන ඇතුළේ හොල්මන් කරන භූතයෝ

          එක්තරා නිවසක මිදුලේ ගරාජයක් පවත්වාගෙන ගියා. මේ ගරාජයට දවසක් වෑන් රථයක් ගෙනාවා. අනතුරකට පත්වීමෙන් හානි වෙලා තිබුණු වෑන් රථය ගරාජයට භාර දුන් අයිතිකරුවෝ යන්න ගියා. රාත්‍රිය එළඹුණා. මේ වාහනයේ දොරවල් අරින වහන ශබ්දය ගෙදර අයට ඇහෙන්න ගත්තා. මේ මහ රෑ කවුද වාහනේ දොරවල් අරින්නේ කියල බලන්න ගෙදර කට්ටිය නැගිටලා හතරවටේ ලයිට් දැම්මා. දොර ඇරලා බැලුවා. කවුරුවත් පේන්න නෑ. පහුවදාත් ඔය විදියටම වුණා. වාහනේ වැඩ කටයුතු ටික කෙරීගෙන යනවද බලන්න අයිතිකාරයා ගරාජයට ආවා.
  " මහත්තයෝ රෑට වාහනේ ඇතුළේ ශබ්ද ඇහෙනවනේ...දොරවල් අරිනවා වහනවා අපිට රෑ තිස්සේ නින්දක් නෑ..."
   වාහනය අයිති මහත්තයා බාසුන්නැහේට කාරණය හෙළි කළා.
" බාසුන්නැහේ, ඔය වාහනය මම අරන් දුන්නෙ මගේ දුවට. ගෙදරට වාහනයක් ගනිමු කියලා එයා හැම තිස්සෙම කරදර කරන්න ගත්තා. පස්සෙ මේ වෑන් එක ගත්තා. වාහනේ අරගෙන මුළින්ම කතරගම යනකොට වාහනේ හැප්පුනා. දුවව ඉස්පිරිතාලෙට අරගෙන ගියත් බේරගන්න බැරි වුණා. අනිත් අයට නම් ඒ හැටි හානියක් වුණේ නෑ...වාහනෙත් හදාගත්තා. ටික දවසක් යනකොට ඔය වගේ ශබ්ද ඇහෙන්න පටන් ගත්තා. අපි එච්චර ගණන් ගත්තෙ නෑ. දෙවැනි වතාවට තමයි ඔය වාහනේ පෙරළුනේ. මේ වතාවෙ හදාගත්තම ඉක්මනින්ම විකුණලා දාන්නයි හිතාගෙන ඉන්නේ..."
    වාහනය නම් හදාගත්තා හැබැයි විකුණා ගන්න බැරිවුණා. ගැනුම් කරුවෙක් ආවම මොකක් හරි ප්‍රශ්නයක් වෙලා විකුණා ගන්න බැරි වෙනවා. අන්තිමේදි දෝෂය ඉවත් කරගන්නම වුණා.
     රත්නපුර ප්‍රදේශයේ කාන්තාවක් ඔය වගේම අත්දැකීමකට මුහුණ දුන්නා. තමන්ගේ ස්වාමිපුරුෂයා හදිසියේ මියගියා. ටික දවසක් යනකොට මේ නෝනා ට පේන්න ගත්තා මහත්තයා වාහනේ ඉස්සරහ අසුනේ ඉඳගෙන ඉන්නවා. නෝනා වාහනේ ස්වාමීන්වහන්සේ නමකට පූජා කළා. ඒ හාමුදුරුවන්ටත් වාහනෙන් ප්‍රයෝජනයක් ලබාගන්න බැරි වුණා. පන්සලේ මිදුලෙම වාහනේ දිරලා ගියා.
   වාහනවල තියෙන භූත බලපෑම් ඉවත් කර ගන්නවා වෙනුවට බොහෝ දෙනා උත්සාහ කරන්නේ වාහනේ ඉක්මනට කාට හරි විකුණලා දාන්නයි. සමහර වාහන තියෙනවා නිතරම අනතුරුවලට ලක් වෙනවා.සමහර වාහන නිතරම තියෙන්නේ කොහේ හරි ගරාජයකම යි. " මේ වාහනේට වියදම් කරපු සල්ලි තියාගත්තා නම් අපිට ඉඩම් දෙක තුනක් ගන්න තිබුණා..." වාහනේට වියදම් කරළා බැරිම තැන සමහරු ඔය විදියට කියනවා.
  වාහනවලට ආශාවෙන් ඉඳලා මියගිය කෙනෙක් භූත ආත්මයක ඉපදුනාම ඒ වාහනය සමග නිතර ගැවසෙන්න ඉඩ තියෙනවා. එවැනි සිදුවීම් ගැන අසන්නට ලැබෙනවා. 
     ඇතැම් මාරක අනතුරුවලට පවා මෙවැනි අමනුෂ්‍ය බලපෑම් හේතු නොවෙනවා කියන්න බෑ. නොමැරී බේරුණු ඇතැම් රියැදුරන් ගේ ප්‍රකාශ අනුව ඒ බව ඔප්පු වෙනවා. " පාර හරහා එක පාරටම සුදු පාට ජායාවක් ගියා. එතකොටම හෙන හඬක් වගේ ශබ්දයක් ඇහුණා. මට මතක එච්චරයි.."   ඔන්න ඔය වගේ කතා අනතුරුවලට මුහුණ දුන් ඇතැම් රියැදුරන් පවසනවා. ගුප්තවිද්‍යා කටයුතුවල යෙදෙන අයට ඔය වගේ දේවල් අසන්නට ලැබෙනවා. අනතුරකින් මියගිය කෙනෙකුට තමන් මුහුණ දුන් අත්දැකීම විස්තර කිරීමේ හැකියාවක් නෑ. 
   වාහනවල හොල්මන් කරන අමනුෂ්‍යයෝ අතර, අනතුරුවලින් මනුෂ්‍යයින් ගළවගන්නා  අමනුශ්‍යයොත් ඉන්නවා. ඒ වගේ සිද්ධි ගැනත් අසන්නට ලැබෙනවා. මම හොඳින් දන්නා කියන අයෙක් ඉන්නවා. මේ පුද්ගලයා වාහන පැදවීමේදී ඇතැම් අවස්ථාවල නොදැනීම නින්ද යනවා. ළඟ ඉන්න කෙනෙක් දැක්කොත් ඉක්මනට තට්ටු කරලා ඇහැරවනවා. කවුරුවත් නැතුව තනියම වාහනේ පදවාගෙන යනකොට කවුද මෙයාව ඇහැරවන්නේ...? කෙනෙක් හිතන්න පුළුවන් තනියම යනකොට නිදාගන්නෙ නැතුව හොඳට අවදානයෙන් යනවා ඇති කියලා. නෑ.. මෙයා තනියම යනකොටත් නින්ද යන අවස්ථා තියෙනවා. දවසක් ඒ විදියට නින්ද ගිහින් ඉබේම එකපාරට ඇහැරිලා බලන කොට අඩි කීපයක් ඉස්සරහින් ලී කඳන්  පටවපු ලොරියක් නවත්තලා තිබිලා. තවත් දවසක් නින්දගිහින් එක පාරටම ඇහැරිලා බලනකොට ඉස්සරහා කැළණි ගඟ ලු.වාහනය ගඟට යන පාරට හැරිලා නින්දෙන්ම ගඟ ළඟටම ගිහින්. මේ නින්ද යනඑක මෙයාගේ අසනීපයක් නම් නෙමෙයි. රාත්‍රී රාජකාරි හේතුවෙන් නිතර නිදි වැරීම තමතමයි නින්ද යාමට හේතුව. කොහොම වුණත් මෙයා විශ්වාස කරන්නේ තමන්ගේ මියගිය ඥාතිවරියක් තමන්ව අනතුරුවලින් ගළවා ගන්නවා කියලයි. එහෙම හිතන්න හේතුත් ඕනැ තරම් තියෙනවා.
 නිවසක, ඉඩමක, වාහනයක ආදී කුමන තැනක සිටියද කරදරකාරී භූතයින් ඉවත්කළ හැකියි.  බෙර ගැසීම්, දොළ පිදේනි කැප කිරීම්, ඝෝෂා කිරීම් වලින් තොරව ඉතාම සන්සුන්ව අමනුෂ්‍යයින් පලවා හරින්නට දක්ෂ මන්ත්‍රාචාර්යවරයෙකුට පුළුවන්. ඒ සඳහා ලක්ෂ ගණන් මුදල් වැයවන්නේ නැති බවත්,  පූජා ද්‍රව්‍ය, බඩු භාණ්ඩ විශාල ප්‍රමාණයක් අවශ්‍ය වන්නේ නැති බවත් හොඳින් මතක තබාගන්න.